व्रतोद्यापन : (संस्कृत)
-स्थापना-
मंत्राधिराजं णमोकारमंत्रम्। आह्वानन स्थापनसन्निधापनै:।।
संपूजयामीह विधानपूर्ववंâ। प्रत्येकवर्णानुगतं हितप्रदं।।



पयोभि: शशांकोज्वलैश्चित्तचोरै:।
कनत्काँचनामत्रनालात्पतद्भि: ।।
गुरून् पंच संपूजयामीह भक्त्या।
यथाशक्ति संभावितान् चित्तवृत्या।।१।।



सुगंधागतैभ्र्रामरैर्गंधसारै: ।
सरद्गंधसंदिग्धिताशांतरालै: ।।
गुरून् पंच संपूजयामीह भक्त्या।
यथाशक्ति संभावितान् चित्तवृत्या।।२।।



यशोराशिशंकागतैरक्षतोघै: ।
पय: पूरसंक्षालितै: शालिजातै:।।
गुरून् पंच संपूजयामीह भक्त्या।
यथाशक्ति संभावितान् चित्तवृत्या।।३।।



लसत्मालतीचंपवुंâदप्रसूनै: ।
सुगंधामिलत्षट्पदारावरम्यै:।।
गुरून् पंच संपूजयामीह भक्त्या।
यथाशक्ति संभावितान् चित्तवृत्या।।४।।



मनोघ्राणसंतर्पवैâर्भक्ष्यभेदै: ।
जगज्जंतुक्षुद्रोगविद्राणदक्षै: ।।
गुरून् पंच संपूजयामीह भक्त्या।
यथाशक्ति संभावितान् चित्तवृत्या।।५।।



मनोध्वांतसंघातसंघातनार्थं ।
विकाशंकरै: शंकरै: सुप्रदीपै:।।
गुरून् पंच संपूजयामीह भक्त्या।
यथाशक्ति संभावितान् चित्तवृत्या।।६।।



दशांगोद्भवैर्धूपधूमै: सुगंधै:।
जगद्घ्राणसंतर्पणार्थं सरद्भि:।।
गुरून् पंच संपूजयामीह भक्त्या।
यथाशक्ति संभावितान् चित्तवृत्या।।७।।



फलैर्नालिकेराम्रपूगै: कपित्थै:।
मनोवांछितार्थै: फलैर्दानदक्षै:।।
गुरून् पंच संपूजयामीह भक्त्या।
यथाशक्ति संभावितान् चित्तवृत्या।।८।।



पानीयचंदनसुशालिभवाक्षतौघै:।
पुष्पैश्चरूत्करसुदीपदशांगधूपै:।।
नानाफलैर्वरतरंविधिना ददेऽहं।
अर्घं च पंचगुरुवे गुरुवे त्रिशुद्ध्या।।

शांतये शांतिधारा, दिव्य पुष्पांजलि:।